Kua rite te tokotoru no te whānau kotahi ki te whawhai i te huinga mekemeke Christmas Cracker

Tamati Tiananga
  • Tāmaki Makaurau

Kua rite te tokotoru no te whānau kotahi ki te whawhai i te huinga mekemeke Christmas Cracker hei enei rangi whakatā.

Mo te wā tuarua ka whawhai te toa o mua i te ao a Daniella Smith, ko tana tamāhine a Talia Smith rātou ko tana irāmutu a Deyne Te Marino Painting-Davis i te rarangi ingoa whawhai kotahi hei te tua ngahuru mā toru o Hakihea, koia nei te rā, wā tuatahi i pakanga ai rātou i te huihuinga kotahi i tērā tau.

Mō te toru tau e whiria ana e Daniella Smith i ngā momo ahuatanga o te taurahere mekemeke ki te tokorua nei.

Ka heke iho a Daniella ki te rēanga welterweight hei hoariri mā Gentiane Lupi ko te tātua wāhine wātea NZPBA welterweight.

E whai ana a Talia i tana wikitoria tuawhitu.

Otira mo te whanaunga a Deyne, e whakapeto ngoi ana kia eke ki tana toahanga tuaono. 

Kei te whakapaungia o rātou kaha hei kapa kotahi.

Ko rātou tokotoru i puta hei toa i te tekau mā toru o ngā rā o Hakihea, rua mani ngahuru ma toru me te aha, hei te rāhoroi ko te manako nui ka toa anō rātou i te huinga mekemeke Christmas Cracker ka tū ki te taiwhanga ABA, Tāmaki Makaurau