Kaupapa: Boxing

Kua rite a Parker rāua ko Rapira mō te rīngi mekemeke

Tamati Tiananga
  • Tāmaki Makaurau

Hei te rā nei ka tū te hui ine taumaha mō Joseph Parker, i a ia e whakarite ana mō tōna tukinga atu ki a  Sherman "Te Waka Tauā" Williams ki roto i te rīngi mekemeke.

Ahakoa i whara tana pokohiwi mauī i anga whakamua tonu te toa mekemeke taumaha o Aōtearoa i roto i āna mahi, i āta tiaki hoki tōna tira tautoko i ā ia, nā whai anō kua rite katoa ia mō te wero nui kei mua i tōna aroaro.

Tērā anō tētahi kaimekemeke toa Māori kua rite mō te pakanga, ko Sam Rapira ka tūtaki atu ki a Reece Pāpuni mō te taitara NZNBF Light Heavyweight.  Kua roa te tokorua nei e tukituki ana, i a rāua e noho ringarapa ana, e rima ngā wā kua whawhai, inā ko Pāpuni tērā i riro i te wikitōria.  He mahi piere nuku kei mua i a rāua, heoi e kore e taea te karo he manawa tītī tā rāua, ā, he whawhai nui kei te heke mai.

Ko tā Parker ahakoa i whakararu ai tana whara i āna mahi, kāre he paku aha i tēnei wā, e tu kaha katoa tōna tinana ināianei.

Ka tū te whakataetae Heavyweight Explosion āpōpō ki te Trusts Arena i Waitākere.