Kua rite ngā kaupoai tauhou mo te tauwhāinga Mid Northern Rodeo

Dean Nathan

I waenganui tonu i etahi o ngā tino kaupoai o te motu, ko etahi rangatahi Māori no Tāmaki Makaurau.

A, hakoa te tauhou ki te kake hoiho me te kake pūru, i māia tonu rātou kia puta ki te mura o te ahi, ki te tauwhainga Mid Northern Rodeo i enei rangi whakangā.

Miharo katoa te hunga matakitaki ki enei tauhou no Tāmaki Makaurau.

Ko te kakenga puru o ngā tamatane te aronganui i runga I te mohio he tino morearea kē tēnei mahi nareira me maia rawa te tangata ka tika.

Hei tā Selwyn Tepania, “Ko te mea nui ko te whakawhanaungatanga o te tangata ki te kararehe nareira ko taku noa iho hei kia mohio au ki taua kararehe kia pai te hāere o te rā.”

No te ra nei i tae a tinana atu ngā tauhou ki te mura o te ahi ka puta ratou ka ora. 

Tokomaha te hunga i taua tu ki te tautoko i te te kaupapa ā i oti pai ai te rā mo ngā kaupoai tauhou.