Kua rite ngā kaiwhawhai o Hydr8 Zero

I unuhia ngā kakahu o ngā kaiwhawhai o te tauwhāinga mekemeke Hydr8 Zero mo te hui ine taumaha i te ra nei, a hakoa i tau te wairua o ngā kaimekemeke mana nui, o Afa Tatupu raua ko Joseph Parker, i tutü tonu te puehu i waenga i etahi atu o ngā kaimekemeke o te pō.

Kua puku te rae o Jason Williams i tāna pangatanga i te hui ine taumaha. me tatari ia ki te po mekemeke apopo katahi ka whai utu.

Kātahi te wairua rerekē i waenga i nga toa mekemeke a Afa Tatupu raua ko Joseph Parker, kua aronui nei ki a rāua anö i roto i te āhua manaaki.

Kua rite hoki te kaitaki a Joseph ki te whai i tetahi taonga nui whakaharahara.

Haunga ra te tukinga mana nui o te po a Joseph raua ko Afa, he whawhai mekemeke ano e tumanakotia ana ki waenga i ngā tāngata rongonui a Temuera Morrison ki a Boriss Sokratov, me te whawhai mekemeke wahine o K'Lee McNabb ki a Miriama Smith.

E anga whakamua ana ngā kaimeke katoa kia uru atu ki te mura o te ahi.