Ngā kaupapa: NRL, Rugby League

Kua rite ngā kaitākaro Māori ki te whakaatu atu i ā rātou pukenga

Tamati Tiananga

He kanohi Māori ka kitea i te maha o ngā kapa tekau ma ono kua tae mai ki te whakataetae takiiwa. Ko ētahi o rātou, ko Api Pewhairangi no te Kapa Eels, ko te haika hautipua mā te kapa Manly, a Peta Hiku nö Te Tairawhiti me te toki no Ngāti Wai a Manaia Cherrington, te tuwhāinga mā ngā Taika.

E rikarika ana a Apirana Pewhairangi mo te whakataetae Takiiwa NRL e kainamu mai nei.

A kāore te kaitākaro o te kapa Parramatta Eels i ohorere ki te rongo i te tokomaha o ngā kaitākaro o te tauwhäinga nei he Māori me te aha, he pūkenga ki te tākaro nei.

Huri atu ana ki te kapa Manly, no Peta Hiku te maringanui i puta ia ki te taumata NRL i te Pāenga Whāwhā o tērā tau, a ko tona whāinga kia whai tūranga matua ki te tira takiiwa.

Ko Hiku rāua ko Justin Horo te tokorua Māori i te kapa tekau mā ono mā te tira Manly.

Ki te kapa West Tigers, kua hāina kirimana tākaro he rua tau te roa e Manaia Cherrington, ka tu a Manaia hei tuarua mā te kaiurungi a Robbie Farrah's i te tūranga tuwhāinga.

Ko te korero ki te whakapeto ngoi a ia, a tona wā ka eke atu ia ki ngā karamatamata o te whakataetae NRL  mā te kapa Tigers.

Ko te uri no Pangaru ki Papata a Adam Blair rāua ko Bodene Thompson kua whai urunga ki te kapa Tigers takiiwa, ko David Kidwell te kaiako tuarua i te kapa.