Kua rite mārika a Cameron mō te Pō Whawhai āpōpō

Tamati Tiananga
  • Tāmaki Makaurau

Ka whakapau kaha a Shane Cameron ki te tūraki i te autaia nei a Brian Minto.

I te huihuinga ine taumaha o te tauwhāinga whawhai Fight For Life, ka rongo te whakaminenga i te hiakai o ia kaiwhawhai.

He rite hoki ngā whakaaro o te toki whutupōro nei nō te kapa Chiefs, Ōpango hoki a Liam Messam.

Whakapeto ngoi ana a Messam kia eke panuku, ko te ika whakawera, ika haehae nei o te ao rīki a Paul Gallen te hoariri.

Ko te pakanga nei he mea whakarangatira i tōna tino hoa a Hikawera Elliot e noho whara ana i tēnei wā tonu, ā, e kore pea a Elliot e tākaro anō.

Ināianei ka hei atu te titiro o ia kaiwhawhai ki te pō whawhai Fight For Life ka tū ki te Taiwhanga Trust o Waitākere, Tāmaki Makaurau.