Kua rite a Daniel Kereopa ki te whakangungu i tana taitara Ultimate Waterman

Rahia Timutimu
Daniel Kereopa invted to Ultimate Waterman 2016 - Photo / file

E rua ngā hākinakina hou ka kitea ki te tuarua o te tauwhainga Ultimate Waterman, whai muri te kaponga a te uri Māori, a Daniel Kereopa i te taitara tuatahi o tōna momo.

Ki te Ultimate Waterman pōhiri ai ngā toki hākinakina wai o te Ao.  E ono ngā momo hākinakina wai i kitea i te whakataetae i tēnei tau.

Whai muri i te wikitōria a Kereopa i tēnei taitara, i aro ia ki tana taha hauora.  Kātahi anō ka uru a ia ki te wai inanahi nei, whai muri tana hāparapara ki āna taringa e whitu wiki ki muri.

Arā ngā momo tīnihanga i kitea ki te whakataetae anō hoki, nō te rā tonu ai whakahua ai ka tautoko te Kāwanatanga i te whakataetae Ultimate Waterman, ka riro i te $1.2 miriona.

Nā tēnei, ka noho te whakataetae nei ki Aotearoa tonu mo ngā tau e toru kei te heke mai.

Hei te tau tītoki kitea ai ngā momo hākina hōu e rua, ko te Prone Paddle boarding, te Underwater Strength Run & Swim hoki.

He ruarua ngā pōhiri hōu kua whātoro atu, ko tētahi ki te toa Stand Up Paddle o te Ao, arā te toki no Brazil a Caio Vaz.

Hei te Poutū-te-rangi tū ai te tuarua o tēnei whakataetae.