Kua rihaina te kaiako o te kapa Warriors

Rahia Timutimu

Whai muri i ngā kōhimuhimu, kua rīhaina a Matt Elliot hei kaiako matua o te kapa Warriors. Kua arahi a Matt i te kapa mō ngā tukinga rua tekau mā iwa, i aua tukinga tekau mā toru ngā wikitoria, tekau mā ono he wairua toa

Mā te kaiako tuarua a Andrew McFadden te turanga e whakakī i tēnei wā.

Ehara tēnei i te mea hou ki te karapu, kāre i roa i whakatahahia a Brian McClennan i te turanga, i mua i tana tau tuatahi me te kapa i te tau rua mano tekau mā rua.

Hei te wā kitea ai mēna he hua o roto i te whakatahanga, i te tukinga a te kapa Warriors ki te kapa Bulldogs ki te paaka o Eden i tēnei Rātapu.