Kaupapa: Rugby

Kua reri ētahi kuia tokorua mō te Ipu o te Ao

Te Kāea

Ahakoa kei te piki haere ngā utu tīkiti tuku rua mō ngā kēmu e toe ana i te RWC, tokomaha tonu ngā Māori e rere atu ana ki Ingarangi.  He kuia kei ngā tau whitu tekau ētehi i tae atu.

Ehara ko nga rangatahi anake ngā mea kua tae mai ki te kapu whutupaoro o te ao.

Hei tā Awa Hudson, "Ka kuhu i te wakarererangi, ka kite māua ko te nuinga, ehara i te kaumātua, pakeke."

I tono te teina ki tōna tuakana kia haere ki Ingarangi.  Hei tā Kui Awa, “Āe, pōhēhē ana au ko tana pātai e pā ana ki taonga whakaata nē.”

Kāore anō rāua kia whai tīkiti hei haere ki ngā kēmu, ā, kei te piki haere te utu.  Ko tā rāua whakapono kei te ū tonu.

Pae tū, pae hinga, ko te tautoko i te Kapa Ōpango te mea nui ki a rāua, "Kua tae ā-tīnana mai, koinā te mea nui."

E mea ana a Kui Awa, me rite ngā rangatahi Māori ki te kapa Ōpango, me puta ki te ao.  Hei tāna, "Nā koutou te ao nei."

Nā, mō ngā kaimātaki kāore anō kia whai tīkiti, ko te whakapae ka piki te utu ki te tahi mano pauna i mua tata tonu i te kēmu me te tukinga a te Kapa Ōpango i a Āwherika ki te Tonga.