Kaupapa: Cricket

Kua puta ngā hua i te kirikiti Māori

Rahia Timutimu
  • Te Tai Tokerau

I tā rātou tukinga tuatahi o te tau, i tuki atu te kapa Northern Māori ki te kapa NZ Croatia i ngā rā whakangā.

Ko te kapa Northern Māori te kapa Māori anake ki Aotearoa, nā te iti o ngā nama tākaro, heoi e hiahia ana te kaiwhakahaere a Graham Stewart kia panonitia tēnā.

Hei tāna, e pōkaikaha ana a Kirikiti Māori ki te tūwhera i ngā tatau ki ngā kaitākaro Māori, engari ko te nuinga o rātou ka rere atu ki kapa kē.  Ko te wawata nui kia tau mārika ai te tūāpapa o te kēmu, kia mau tonu ki ngā whetū maiangi ki te kapa Māori.

Kua rerekē te rautaki o te Kirikiti, hei tā Graham ka tuku i ngā mahi kia rangiwhāwhā ai te toro, kia rarata mai a tini me mano te whāinga.

Hei tā Stewart anō, he waimarie a Ngāi Tāua i te mea he pai te āhua o te tinana mō tēnei momo hākina.  He tokomaha ngā kaitākaro Māori ka whai utu nui i roto i te kēmu nei."

E hiahia ana ētahi ki Te Whanganui a Tara kia tū ai he kapa Māori i reira.

Mō te kapa Northern Māori, e hiahia ana rātou ki te haere ki Vanuatu, Papua New Guinea hoki, ki reira tākaro ai.