Ngā kaupapa: NRL, Rugby League

Kua pōhiritia e Tāmaki ngā whetū o te whakataetae takiiwa

Te Kāea

I te rā i mua i te timatanga o te whakataetae riiki takiiwa ki Tāmaki Makaurau, i pōhiritia ngā kapa tekau mā ono ki te marae ātea o Aotea. He huihuinga i whakatūria e te Koromatua o Tāmaki Makaurau, e Len Brown me te kamupene taunaki ā-putea, a Dick Smith.

He wā mā ngāi Aotearoa whānui ki te whakatata atu ki ngā ope manuhiri, ki te kimi tā hoki i ā rātou kai-tākaro makau o te whakataetae nei. Inā te tini me te mano o ngā tāngata i whakarauika atu ki te kite ā-kanohi i ngā kai-tākaro rua rau, e rima tekau neke atu, ko James Tamou no te kapa Cowboys, pokapu Roosters a Shaun Kenny-Dowall, ko Kevin Proctor no te kapa Storm me etahi atu ka eke ki te mura o te ahi hei ngā rā e rua e haere ake nei.