Kua piri anō a Lisa Bishop ki te kapa haupoi Māori wāhine o Aotearoa whai muri i ngā tau tekau

Aroha Treacher

Kua auraki mai te kaitākaro Black Stick o mua, te tautōhito o te ao haupoi Māori a Lisa Bishop ki te tākaro ki te tira haupoi Māori wāhine o Aotearoa.

Kua tekau ngā tau kāore ia i te tākaro i te tira haupoi Māori o Aotearoa. I kōrero tā mātou karere a Aroha Treacher ki a ia i te whakataetae haupoi i Ahuriri.

Kua waia te pou o waenganui i te papa a Lisa Bishop i te momo tākaro o te tira Māori o Aotearoa.

I whai wāhi tuatahi atu ia ki te tira haupoi Māori o Aotearoa i aia e tekau mā ono ngā tau, e toru ngā tau atu i te tīmatanga o te tauwhainga haupoi tuatahi, kātahi ka uru atu ia ki te tira haupoi wāhine o Aotearoa i te tau rua mano.

Ki tā te poumua o te kapa, a Tuhia Hohepa, “Kei aia ngā pūkenga kaore e taea te whakaako kei roto i te ia o āna kōrero te tino māramatanga mō tō mātou kēmu me o mātou tūranga.”

E rua ngā tau i tū ia hei Black Stick, ka mutu, kua tekau ngā tau aia e tākaro ana i te whakataetae haupoi a-motu, engari, e mokemoke ana ia mō te momo tākaro o te haupoi Māori, nā reira, i tōna toru tekau mā whitu tau te pakeke, kua waihape mai ia.

Kua rua tekau ngā tau aia e tākaro ana ki konei ki tāwāhi anō hoki, otira, kāore anō ngā wharanga i pā ki aia, ko te tūmanako, ka pērā tonu i tēnei tauwhainga.