Kaupapa: Waka Ama

Kua oti rangatira ai ngā mahi a Vaka Manu

  • Waikato/Te Waiariki

Kua rongo a Vaka Manu i ngā piki me ngā heke i tēnei wiki, kua wikitōria rātou i te W12 rima rau mita te tawhiti, engari kahore rātou i eke ki te whiringa toa W6 kotahi mano, rima rau mita te tawhiti.

Ko Vaka Manu te kapa tere rawa i whai wāhi atu ki te whiringa toa, ā, ko tō rātou tino hoariri a Pineula kei tō rātou taha i te ara tuarua.

Ehara a Vaka Manu i te kapa noa, he tuākana-teina rātou ki a rātou, ā, hīkaka katoa ana rātou kua oti rangatira ai te tira.

Hei tā Brad Anderson, “He mīharo i te mea kua wikitōria ngā tama tokorua i a rāua mētara koura tuatahi i te rima rau, arā ko Tommy rāua ko Kimmy tērā.

Kua tautoko, kua whakapono mātou i a rāua, me te mōhio ka eke ki te taumata.  Heoi i tutuki i taua wawata."