Kaupapa: Touch Rugby

Kua mau a Ngāti Wairere i te taitara tāne

Rahia Timutimu

Muia ana ngā papa tākaro e te kaimātakitaki, i te whiringa toa o ngā kapa ika a-whiro tāne.

Ko Ngāti Wairere i te whero, te kapa whakangungu i te taitara, ā, ko te piro tuatahi i tutuki i te hekona rua tekau noa.

Heoi i muri tata ka ara mai a Te Arawa, ā, ahakoa te rangirua, ka ū tonu ki te rārangi me te whai piro kia taurite ai ngā tatau.

Ā, he piro anō te āhua mō Te Arawa, heoi ko Ngāti Wairere kē i ū.

Hēoi, nō te whakamātautanga tuarua ka tae, kia taurite anō ai ngā piro ki te rua tatau, i te wehenga rua. Ka puta pīkoko mai a Ngāti Wairere i te haurua tuarua.

Ko Liam Messam tēra i whakatutuki i te piro tuatahi o te haurua tuarua.

Ā, me he tē te whai a Ngāti Wairere i tāna piro tuawhā.

Heoi, piro atu piro mai, ka ihuoneone a Te Arawa kia kotahi piro noa te wehenga.

Ki te kokonga matau kuru atu anō ai a Ngāti Wairere, hei pironga tuarima mā rātou.

I te kokonga maui, ka ea mai te piro tuawhā a Te Arawa.

Ā, ka tata atu ana ā-kaute a Te Arawa ki te hoariri, ka piro anō a Ngāti Wairere.

Ā, ahakoa te piro whakamutunga a Te Arawa, i muri tonu rātou mā te kotahi piro. Wikitoria ana a Ngāti Wairere i te tukinga, e ono ki te rima.