Kaupapa: Rugby

Kua kawea te taki o te wero Surf To Peak ā-tau e ngā Hurricanes

Wikitōria Day

E tino whaka-rīrā ana te kapa whutupōro Hurricanes, kia pakari ake tā rātau tākaro i te whakataetae Super Rugby i tēnei tau.

Inanahi rā i whakaritea anō e ngā kaiako o te kapa nei te wero e kīa nei ko “Surf to Peak” i tū ki Pōneke.  I reira kitea ai ko ngā hua o whakapeto ngoi.

Kua roa nei ngā kaitākaro o te kapa Hurricanes e whakaheke tōtā ana kia rite ai rātau mō ngā kēmu kei te aroaro, hēoi, ko tēnei wero rua tekau mā whā kiromita te mahi whakangūngū uaua rawa o te tau.   

Hei tā Tim Bateman, “E pau ana te hau i tēnei wā.  Kotahi haora te roa o taku omanga.  Koinei taku wā tuatahi ki te whakaoti i te Surf To Peak.  He pai tonu."

E ai ki a TJ Perenara, “Kāore anō kia rite au mō te tākaro.  He kotahi marama e toe ana ki te kēmu tuatahi nō reira he nui ngā mahi kei te haere, heoi e koa ana au ki au anō i tēnei wā."

He whakaraupapa mahere te mahi a ngā wiki kei tua, hēoti noa, he tūmanako anō tō tēnei kaitākaro nō Te Arawa waka.

"Ko ōku ake whāinga kia tutuki pai i aku mahi, kua aro pū ki aku mahi, kia kaua e kōtiti i tērā.  Heoi mō aku hoa tākaro, e hiahia ana mātou kia whakapeto ngoi.

Inā ka pakari ake mātou ki ērā atu kapa, kua puāwai ko ngā hua."

Ā tōna wā kitea ai e tātou mehemea ka whakatinanahia ēnā āwhero, ka aha rānei.