Kua karangahia e ngā Ōpango Māori ki a MacDonald

Tamati Tiananga

I te ata o nanahi nei i moata tonu ta Quentin MacDonald oho ake ki te mātaki i te tukinga a te kapa Opango Māori ki a Kātana, na wai ka whara a Hikawera Elliot, a, mea rawa ake ka tangi te waea a MacDonald i te karere, me whakarite ana tueke, inā rā me piri ia ki te kapa i Amerika.

Kāore ano a McDonald kia korero tahi me te kaiako matua me Colin Cooper mo te ahua o tana piri ki te kapa, engari ahakoa te aha, ka kawea e ia ana wheako nui.

Ko te whakapae ka tohua pea ia ki te kapa whakaeke i runga i te mohio, ko ia anahe te waetikape motuhake i te kapa, heoi e mohio pu ana a Macdonald, he tino taumata me eke, ina ra, i kowhiria ia ki te kapa Opango Māori mō te haere ki Ingārangi i tera tau.

Apiti atu i puta hoki a Piri Weepu i te kapa nā te wharanga ki tona pona. Ka hau atu ko Chris Smylie ki te tira hei kai-taunaki i te turanga poutoko, he mea kowhiri ia i mua ake i tera atu i matapaetia, i a Frae Wilson