Kua kapohia ake te tātua Super 8 tuatahi e Meehan me te $200K

Te Kāea
Te Kāea talks to Kali Meehan before big night

Kua kapohia ake te tātua Super 8 tuatahi e te tangata Whītī, e Kali 'Mean Hands' Meehan, me te $200,000 ki te Taiwhanga Trusts i Waitākere.

Atu i tana toahanga i te whawhai ki a Hunter Sam nō Ahitereiria, kātahi, kā rua, i te hinganga o Brice Ritani-Coe i te whiringa whāiti, i tuki rae-ki-te-rae a Meehan ki a Michael Sprott nō Ingarangi, kia kitea ake ko wai te toa e tū tonu ana hei te mutunga o ngā rauna.

Tāpiri atu ki tōna ekenga nui, i kohia e Meehan te $15,000 mō te whakahinga i tōna hoariri i te wāhanga tuatahi.

Ko ērā atu kei te pae kaimekemeke taumaha i tū i te pō rā, ko te toa mekemeke nō Amerika, ko Hasim 'The Rock' Rahman, rātou ko Alonzo 'Big Zo' Butler nō Amerika hoki, ko Martin 'The Entertainer' Rogan nō Airani, ko Hunter 'The Bounty Hunter' Sam nō Ahitereiria, ko ngā toa nō Aotearoa, arā ko Brice Ritani-Coe, ko Antz 'Notorious' Nansen.

Kātahi te pō angitū ko tēnei, ā, ko te tokomaha o ngā toa o Aotearoa i wikitōria i ō rātou tukinga.

Ko te tino whawhai o te pō, ko te whawhai a te toa nō Aotearoa nei a Antz Nansen, i whakahinga i a ia te toa ō-mua o te Ao, i a Hasim Rahman.