Kua kapohia ake e ngā Black Sox te taitara ā-ao

A haunga rā ta te kapa ō Venezuela whakaheke tōhau, tē tāea e rātou te karo i te kōunga o Aotearoa.

Hurō ana ngā tini kaimātakitaki i tae tinana atu ki te taiwhanga Rosedale, kua eke panuku te kapa Poiuka Black Sox o Aotearoa ki te kotihitihi o te Ao 

Ko wai atu i te kāpene i a Rhys Casley, koia rā te whakaihuwaka o te kapa, kātahi nei ia ka auraki mai i te wharanga pokohiwi i tērā tau, e toru omanga ki uta i tutuki i a ia.

I tōmuri te karangatanga o Nathan Nukunuku ki te kapa kia tākaro i tana whakataetae-ā-Ao tuatoru hei tautawhi, hei tuarua mā kapene  Rhys Casley me te aha, i kuhu tika atu a ia ki te aroaro-ā-kapa    

He wā ano i te tukinga i kitea he pakanga whakatakariri. He mīharo te ekenga ki a Brad Rona, mōna i tākaro tuatahi mā te kapa i te huinga taumahekeheke o te Ao i te tau rua mano, koinei tōna tuawhā ki tēnei taumata.    

A he tika hoki tā Rona, Nō Aotearoa anō te maringanui kua puta ā ihu, I turaki i a  Venezuela he whā ki te kotahi ki a riro i a rātou te honore nui rawa.