Kaupapa: Koroneihana

Kua kapo ake a Maniapoto i te hīra Tonga

Rahia Timutimu
  • Waikato/Te Waiariki

Ki te tukinga rīki whakamutunga o te Koroneihana mō te hīra Tonga Mahuta, ko ngā kaiwhakangungu o te taitara, ko Tāmaki Makaurau i tuki atu ki te kapa o Te Kawau Mārō o Maniapoto.

Ko te wā tuatahi tēnei mā Ngāti Maniapoto ki te pakanga mō te hīra nei, ā, i ngāwari noa tā rātou eke panuku.  E rima tekau mā waru ki te rua tekau mā waru ngā tatauranga whakamutunga.