Kua huraina ngā Hoops in Schools ki te tonga o Tāmaki

James Perry

Kia whakatairangatia ngā kaitakaro poitūkohu te take kua neke atu i te rua tekau ngā poukuru poitūkohu kua tākoha atu ki ētahi kura tuatahi i te tonga ō Tāmaki Makaurau. Nō te rangi nei huraina te tuatahi o enei poukuru e Basketball New Zealand, mā tō rātou kaupapa 'Hoops in Schools', ki te kura o Hōmai, i Manurewa. 

Nā te toki poitūkohu, nā Tom Abercrombie ngā poukuru poitūkohu hou i huraina. 

Kua roa te kura o Hōmai e noho poukuru poitūkohu kore ana, na rā kua riro mā ngā poukuru poitarawhiti ngā tauira e whakatinana ai i a Steven Adams.

Hēoi, e harikoa ana a Bathsheba Tofilau, te tumuaki o te wā kua harikoa ana tauira i te tūnga ō ēnei poukuru. Me tāna anō, e kipakipa ana ngā tauira ki te whakamahi i ngā taputapu katoa kua riro e te kura.

I te hōhā haere ngā tauira, pēnei i a Phillip Taufa nā te korenga o ngā poukuru tuturu nei. Hēoi kua pai anō ngā kare ā roto i ēnei poukuru hou nei.

Hui katoa, rua tekau mā whā ngā poukuru ka tākoha atu ki ngā kura tekau mā rua i roto o Manurewa, Ōtara me Māngere. I tono atu a Basketball New Zealand mā te hapū Kiwi Hoops, me Auckland Basketball Services kia Lion Foundation mo ētahi pūtea tautoko. Hei tā Marcus Reynolds o te Lion Foundation, ko tā rātou hiahia kia whakahoki te pūtea ki ngā hāpori i ōroko ai, nā whai anō i tere whakaae rātou ki tā ngā rōpū rā i tono ai.

Hei tā BBNZ, nō te tokoiti o ngā taputapu poitūkohu kua heke ai ngā kaitakaro, nā tō rātou tumu whakarae, nā Iain Potter te kōrero i te ata nei mā te aha i te whakatū poukuru hou, hoatu pōro hou hoki e piki anō ai ngā kaitakaro.

E hiahia ana a Basketball New Zealand inaianei kia kawea ake e rohe kē atu i te kaupapa nei, kia hōrapa te motu i ngā Hoops in Schools.