Kaupapa: Rugby

Kua hokona atu te katoa o ngā tikiti mo te whakamātautau tuarua mo ngā Ōpango Māori

Pērā i te whakamātautau ki a Kanata i tērā wiki, kua pau katoa ngā tikiti mo te whakamātautau ki ngā Eagles hei te pō apopo ki te taiwhanga o PPL.

Ka mutu, e arotahi ana nga kaitakaro ki tērā tukinga nui whakaharahara e kainamu mai nei.

Kei te whai haere tā mātou karere a Rewa Harriman i te kapa Māori, i noho tahi ia me te tira i te rā nei.

Ko tā Rewa i whakahaerehia te omanga kāpene, ara te whakaharatau whakamutunga i mua i te whakamātautau, a he mea hei whakawaia ngā kaitakaro ki te mahere rautaki , kia whakaharatau hoki i nga āpititu me ngā kukume, ka mutu i whakamahia hoki  to ratou haka ki runga I te papatakaro.

Heoi ano, ko tētahi wāhanga miharo o te wiki ko te tuku i ngā poraka Māori ki ngā kaitakaro, a no te po nei tu ai tērā huihuinga tapu, I reira hoki tētahi rangatira o mua o te kapa Māori me te kapa Ōpango ara ko Eric Rush, nāna ngā poraka i tuku atu ki nga kaitakaro.