Kua hoko atu te katoa o ngā tiketi mo te tukinga a ngā Māori ki a Kānata

Rahi ake I te rua tekau mano ngā tangata, te whakaminenga nui rawa ka tae atu ki tētahi tukinga whutuporo ki Kanata I ngā tau kua hori, na reira kahore e kore ka whai kaha te hau kainga I tera tautoko nui, heoi ki taku titiro, e pai te hanga o ngā Māori, kua tika hoki te mahere rautaki I raro I te maru o ta ratou kapene hou a Tim Bateman.

Kua rite Te kapa Māori mo te pakanga, koira Te kī a to rātou Kapene hou a Tim Bateman.

Hei apopo, arahi tuatahi ai a Tim I te kapa, ki tētahi kapa morearea, tinana Tukituki, upoko maro.

Kua mahitahi a Tima me ngā kaiako ki te whakarite mahere rautaki mot e whakamatautau apopo.

Heoi, kiki ana te aro a kapa Māori ki nga tautohito, ma rātou ano tēnei kapa e arahi ki runga I te papatakaro.

A mehemea ka tika te timatatanga mai I te haka ki whutuporo, kahore e kore ka mau tonu I te kappa Māori te hitori hingakore ki a Kanata