Kua hoki te Hīra Ranfurly ki Te Matau a Maui

He tuatahitanga i ngā tau tata ki te rima tekau, kua whakahokia ake te Hīra Ranfurly e te kapa o ngā Makipai, whai muri i tētahi wikitoria nui whakaharahara inapō, ki a Ōtākou. 

I tau atu te rererangi o te kapa ki roto o Ahuriri i tēnei ahiahi, ā, i reira tā mātou kaikawe kōrero, i a Aroha Treacher, i waenga i te hau kāinga, tini manomano te nui.