Kua hoki a Reuben Porter ki te tira Roosters

Rahia Timutimu

Kotahi te tau ki muri, he ingoa anō tā Reuben Porter ki te whakataetae Riiki Māori i tēra tau, heoi i tēnei tau, kua hoki mai te kaitākaro tekau mā whitu tau te pakeke, he māngai anō o te karapu riiki NRL, o Sydney Roosters.

Kei tōna tau whakamutunga aia i te kura i Mt Albert Grammar ki Tāmaki Makaurau, heoi, ka rere ia ki Poihākena ia rā whakangā, e takaro tahi ana me tana kapa hou.

A, kua puta mai ngā hua, wikitōria ai tana kapa i te ipu S. G. Ball, he whakataetae kei raro ngā pakeke i te tekau mā waru ki Ahitereiria.

I ēnei rā whakangā, e whakamau ana ia i te poraka Tāmaki ki te Tonga, e whakangungu ana i te taitara tekau mā whitu heke iho, nā rātou anō i wikitōria i tēra tau.

A, e mōhio ana ia, he pukenga anō āna hoa tākaro.

I te mutunga o tana tau kura, ka nuku a Reuben ki Ahitereiria, he Māori anō e whai ana i te moemoea kia tākaro i te whakataetae NRL.