Kua hoki mai a Temepara ki te awhi i ngā Mystics

Rahia Timutimu

Kāore anō kia hipa noa te rua tekau mā whā haora, heoi e whakaaro tonu ana a Temepara Bailey mō tāna hokinga ki te papa poitarawhiti.

Whai muri i tāna hekenga o te tau rua mano tekau mā rua, i whakamau anō a Temepara i ōna hū poitarawhiti hei hāpai i te kapa Mystics i tā rātou tukinga ki te kapa Tactix i Tāmaki Makaurau.

I piki ake a Temepara ki te kooti i te wehenga o te hauwhā tuarua, ā, ngāwari noa iho māna. I raro tana kapa mā te kotahi piro, heoi i rerekē taua hua i tana ekenga, e rima ngā piro karapīpiti i ea.

Mai i taua wā kīhai ngā Mystics i titiro whakamuri, ka papatu i te tukinga, ono tekau mā rima ki te ono tekau mā rua.

Koinei te tukinga ANZ tua whitu tekau mā tahi mā te uri Māori nei, ko te pātai inaeanaei, ka eke anō ia?

Ka noho tonu a Temepara ki te kapa Mystics kia hoki mai rā ano ngā kaitakaro kua whara, me te aha, ko Magic te hoariri hei te Rātapu.