Ngā kaupapa: Sevens, Rugby

Kua hoki atu a Lavinia Gould ki te kapa takiwhitu o Aotearoa

Kua tohua te kapa takiwhitu wāhine o Aotearoa mō ngā whakataetae whakamutunga e rua i te huringa ao ki Ranana me Amsterdam. Otirā he kaitākaro o mua ka kuhu anō i te poraka pango.

Kāhore a Lavinia e noho ana ki ngā tahataha o te papatākaro inaianei. Hei tana, mena e ngakaunui ana koe ki te kaupapa, kāhore e kore ka tutuki.

Whai muri i tana rāhui whakapoauau mō te rua tau, he kai nānā i tētahi pira whakaita, kua whakaingoatia anō a Lavinia ki te kapa o Aotearoa ka tākaro ki Ranana me Amsterdam. Hei tā Lavinia anō, i rongo ia i tōna whatumanawa i te wā i rongohia tōna ingoā, "Ki te hoki ngā mahara ki ngā mahi nui i tutuki i ahau, ki taku manawanui, ā, inaianei kua ea". He mihi nui hoki tā te kaiako matua a Sean Horan ki a ia, "he tōhu tēnei i tōna āhua kia whai wāhi anō ki te kapa o te motu."

Kua toa te kapa i ngā whakataetae e whā kua hori, ā, ahakoa āna whainga nui mō ngā whakataetae e rua e toe ana, he whāinga anō tā Lavinia, "Kua roa te wā, nā reira kua rite ahau kia tākaro kia noho ngatahi ai ki te kapa."

E toru anō ngā rangi e whakapeto ai a Lavinia me te kapa i Maunganui i mua i ta ratou rerenga atu hei te pō o te Rātapu.