Kaupapa: Netball

Kua hiko anō te uira a Noeline Taurua

Ruth Smith
  • Tāmaki Makaurau
  • Ahitereiria

He tohu mō ngā rā kai mua i te aroaro, e ai ki te kaiarotake potarawhiti me te Rarauhe Hiriwa o mua, a Courtney Tairi.

Kua rapa anō te kanapu a Noeline Taurua, ko te hinganga o te kapa West Coast Fever i tana tīma i ngā whiringa toa i tākarohia i te Rātapu i Perth.

Ko Taurua te kaingākau o te marea i te arumanga i te kaiako hou mō te kapa Rarauhe Hiriwa.  Kua noho mū a Poitarawhiti Aotearoa ā mohoa nei, ā, e kī taurangi ana rātau ka puta te whakatau i mua mai i te 10 o Mahuru.  Ahakoa tēnei, e whakapaetia ana ākuni puta ai te kōrero.

Ko tētahi take nui e noho tārewa tonu nei te whakatau mō te kaiako nei, ko tana kirimana ki te kapa Lightning tae rawa ki te mutunga o te whatinga o te tau e tū mai nei.  Heoi anō, e ai ki a Tairi, me pā ngā ture e ai ki ngā kaitākaro ki te kāhui whakahaere anō hoki, e angitū anō ai tō tātau kapa.