Kua heke iho te toa Orimipia Māori a Sarah Cowley i ngā mahi whakataetae

Te Kāea
photo/olympic.org.nz

Kua heke iho te toa Orimipia Māori a Sarah Cowley i ngā mahi whakataetae, whai muri ngā tau tekau mā rima ki te taumata hiranga.

He toru tekau tau te pakeke o Cowley, i tū hei māngai mo Aotearoa ki ngā whakataetae Orimipia ki ngā kēmu i Rānana i ngā mahi kaipara whitu.

I whakataetae ia ki te wāhanga peke teitei ki ngā kēmu i tū ki Glasgow, i reira i eke ia ki ngā whiringa toa o te wāhanga heoi kīhai ia i wikitōria i tētahi mētara, nā reira tana rangirua ki te noho tonu ki te hākinakina.

Ko tana whainga ināenei he para i tētahi huarahi māna ki te ao pāpāho hākinakina, kia noho tonu hei kanohi ki ngā mahi taumāhekeheke Orimipia o te Ao ki ngā kura, me te whakaoti i tana tohu pāpāho