Kaupapa: Rugby

Kua eke te karapu whutupōro o Wainuiomata ki ngā whiringa toa mō te wā tuatahi

  • Te Whanganui-ā-Tara

He karapu whutupaoro i whānau mai ai te toa Ōpango māori nei a Piri Weepu, engari kāre anō kia eke ki te whiringa toa o te reanga matua o te whakataetae whutupaoro o Pōneke.

Ko te karapu whutupaoro o Wainuiomata tērā, ka pakanga tuatahi atu mō te ipu Jubilee hei te Rātapu nei. 

He waewae tapu ēnei tamaiti nō Wainui ki te reanga whiringa toa, engari e maia ana te kokenga atu.

I whakatūria i te tau kotahi mano e iwa rau, e whā tekau ma ono, ā he tokomaha ngā toki kua puta mai.

Kāore te tama makau o Wainui, a Piri Weepu, mō te tākaro, engari ka mahi kē ia hei kai-whāngai wai.

Heoi ko āna tohutohu, he kāmehameha tonu.

Koinei te taonga ka pakangahia e rātou, he kitenga atu e whakahihiko ana i te tāone nei.

Heoi, nā te tautoko a o rātou kaitautoko, kotahi noa iho te whāinga o ēnei kaitākaro.

Hei te toru karaka i te ahiahi o te Rātapu e tū mai nei tuki atu ai te tira o Wainuiomata ki te kapa Hutt Old Boys Marist i te taiwhanga o Hutt Rec.