Kua eke panuku ētahi Māori i ngā taumāhekeheke ki Rio

Koinei te rangi tuarua o ngā taumāhekeheke ki Rio, kua eke panuku ētahi o a tātou uri Māori ki te mura o te ahi. 

I te rangi nei wikitōria e Natalie Rooney i te mētara hiriwa i te wāhanga pupuhi mō ngā wāhine, koinei te mētara tuatahi mō Aotearoa. Ko Rooney te kaitaumāhekeheke tuarua nō Aotearoa ki te whai mētara i te hākina pupuhi nō te tau ono tekau ma waru, ka riro i a Ian Ballinger i te mētara rauwhero. Hēoi tēra hoki a tātou kaitākaro Māori i eke panuku i te rangi nei. 

Mārakerake te kitea ngā pūkenga karo i ngā taha e rua. Ka hoki mai a Portia Woodman o Ngāpuhi kia riro i te piro tuatahi i mua i te wehenga rua.

Ka whakawhiu a Tyler Nathan Wong o Ngāpuhi i te wehenga rua. Kotahi anake te piro i te papa tātai, heoi tē taea a Amerika te taurite.

Ki te haki, he tīmatanga pai ma ngā wāhine rākau pango kia Korea. Toru ki te kore i te wehenga rua.

Whā ki te kore ngā tatau i te koata tuawhā. Ka whai mana anō a Korea i tēnei piro tuatahi i ngā mēneti whakamutunga.

He rekoata hou i tutuki i a Corey Main o Ngāti Porou, Ngāti Kahungunu i te kau tīraha kotahi rau mita ma ngā tāne, ka wikitōria i ngā hēkona rima tekau ma toru ira iwa iwa. Hēoi tē taea te hoki mai i ngā whiringa whaiti, ka eke ki te pae tekau mā rima.