Kaupapa: Tennis

Kua eke ngā tokorua tāne o Aotearoa ki te whiringa whāiti o te Whakataetae ASB Classic

Taroi Black
  • Tāmaki Makaurau

Nā ngā tokorua o Aotearoa a Marcus Daniell rāua ko Artem See-Tack ngā kaiarahi takirua o te ASB Classic i panga. 

He timatanga pai mo ngā toa Kiwi i te rā tuatahi.

Kāre he timatanga i tu atu i tēnei mo ngā tokorua o Aotearoa.

He tino kēmu te kitea mā te iwikainga. 

I mua a Artem Sitak rāua ko Marcus Daniells  e rua wikitoria, ā, mauri tau ana puta noa. He āhuatanga uaua mā ngā Colombians. 

I kaha tonu te ringa o ngā kiwi, e toru ngā wikitōria i mua i ngā Columbians. A, ka pupu ake hoki tēnei tākaro roa.  

I noho mataara ngā Kiwi i mua i te otinga ake o ngā māka e rua i mua i te whakatā. 

Heoi ano ka orite te tukinga mo te wehenga tuarua. 

I ngā wāhanga pēnei i hoki kaha mai ngā Colombians ki roto i te tukinga. 

I taurite ngā taha e rua i roto i te wehenga rua, ka puta ake te hiakai a Aotearoa kia pātata atu ai tō rāua raua waka ki uta.  

I wikitoria ngā Kiwi ono ki te rua, whitu ki te ono. Kei te maha tonu ngā tukinga kei mua i te aroaro, ko te tutakihanga atu o te kaitākaro takitahi a Michael Venus o Aotearoa ki a Benoit Paire a tēnei pō.