Kua eke anō rā a Talia Smith

Tamati Tiananga
  • Tāmaki Makaurau

I puta anō te ihu a te kaimeke rangatōpū a Talia Smith hei toa mō te wā tuatoru.  Hēoi he tautohetohe nui i pupū ake ai me te whakapae he tino pūkenga tōna hoariri i te papa rīngi, ko ngā whakapae he tekau mā toru ōna whawhai, he tekau o ērā he whawhai runaruna, e toru āna whawhai rangatōpū. 

I ūpoko pakaru te karawhiu a Talia Smith kia eke.

Ahakoa rā, he pūkenga te hoariri o Talia a Hoki Gilbert, ka puta atu rāua ki te mura o te ahi, ā, i whakapau kaha tonu rā a Talia, i whakaheke tōhau a ia tae atu ki te mutunga, me te mea anō hoki, i whakaparautia e te kaiako a Hoki Gilbert ngä whakapae.

Engari hei tā te rōpū tautoko, rōpū taunaki i a Smith, e kore a muri e hokia, kua tāpokitia tēnei take me te wikitōria.

I tēnei wā, e haere tonu ana ngā kōrero kia puta a Talia hei kaiwhawhai whai utunga, hei te marama e heke mai nei puta atu anō ia mō tōna whawhai tuawhā i te taumata rangatōpū.