Kua eke anō a Oracle i te ata nei

Tērā te whakapae, he mate nui, he mate pōturi pea kei te haere mā Aotearoa whānui me Tīma Aotearoa, i hinga ai i tā rātou reihi tuarima karapīpiti ki ngā kaumoana o Oracle i te ata nei. 

I mahue anō a Aotearoa ki ngā au o Amerika i te rēhi tuatahi, ā, i whakakorengia te reihi tuarua nā ngā ture mō te wā.

Ahakoa i a Tīma Aotearoa te mana ki te taha maui i te tīmatatanga o te reihi, i tere ake a Oracle kia puta whakamua tōna ihu i te māka tuatahi, ā, i noho pērā tā rātou waka tae noa atu ki te mutunga o te reihi, kia ono katoa ana wikitōria ināianei, ki tā Tīma Aotearoa toahanga e waru. 

Nā reira ka hoki atu a tātou kaumoana ki te papatuhi ki te hanga mahere anō e aukati ai i tā rātou hoariri e kaha ake ana ia rā, ia rā.