Kua angitū te tamaiti e waru tau te pakeke i te ao tēnehi

Wikitōria Day
  • Waikato/Te Waiariki

Arā tetahi tamaiti he waru tau te pakeke, e aruaru ana i te hakinakina tenehi, ā, ahakoa kua tekau ma ono marama noa iho ia e takaro ana, kua eke nei a Kalani Savage, no Te Teko, ki ngā taumata ikeike.

Ka kore koe e whakapono kāore anō kia eke ki te rua tau mai i te wā i mau tuatahi ai a Kalani i tana rakau tēnehi.

E whā marama noa iho ki muri i kite a Paul Roberts i te pitomata o Kalani, nā wai, ka tū ia hei kaiako matua mōna.

E purena ana ngā ngakau o ōna mātua i te whakahihi, i runga i te mōhio he whānui rawa ngā mahi o te ao tēnehi kua tutuki i a ia i roto i te wā poto.

Ahakoa e waru noa iho ōna tau, kua mohio ke ia, mā te te kaha whakangungu e whanake ai tana takaro

Ko ta te tamaiti, he moemoeā, a, kātahi te moemoeā nui kei te tahiwi o ā Kalani whakaaro.

He moehewa pea ka whakatinanahia a tōna wā.