Kaupapa: Softball

Koinei te rā tuatahi o te whakataetae Poiuka mo ngā karapu wāhine o Aotearoa

Rahia Timutimu
  • Te Whanganui-ā-Tara

Nō te rā nei whakarewa ai te whakataetae Poiuka karapu wāhine o Aotearoa ki te pāka o Fraser ki Lower Hutt, Te Whanganui a Tara. Ki reira karapine ai ngā karapu tekau mā toru no te motu whānui ki te kite, ko wai te kapa toa i tēnei tau.

Nō tēnei tau kitea ai ngā kapa hou e rua ki te whakataetae, ko Miramar, ko Pōneke Kilbirnie hoki, ko raua tahi no Te Whanganui a Tara. Kare anō tētahi kapa no Te Whanganui a Tara kia wikitōria i tētahi taitara mai te tau waru tekau mā whā, ko Island Bay tēra.

Ko Auckland Marist ngā toa o tēra tau, heoi tēra pea kua kore rātou e eke ki te whakangungu tā rātou taitara. Kua kore tā rātou kaikuru nō Amerika a Blaire Luna, ā, he maha ā rātou kaitākaro rangatahi. Kotahi anake tā rātou kaitākaro kua eke ki te taumata hiranga, ko tēra ko te kaitākaro White Sox o mua, a Kalala Gabriel.

Kua whakaingoa te kapa White Sox i mua i te whakataetae a Ao mo ngā wāhine ki Kanata i te Hōngongoi, nā reira kaore he hua mā ngā kaitākaro ki te whakakipakipa i ngā kaiwhiriwhiri, ko te aro pū ki ngā mahi ā tīma.

Hei ēnei rā whakangā, ka rere arorangi ngā tukinga i te ipurangi, kei raro te rārangi hono.

http://livestream.com/NZSportTV/events/4999194

Ka whakahaerehia te whakataetae nei, tae rawa ki te Rātapu.