Ko wai te kaitātaki haka mo ngā Ōpango a te pō nei ?

Tamati Tiananga

Hei te pō nei te wā tuatahi ka tu te kapa Ōpango ki te haka i tenei tau ki te aroaro o Wēra ki te taiwhanga o Eden.

Ao ake i te hekenga iho o Keven Mealamu i te taumata takaro me te uri nō Tūhoe a Liam Messam ki te kapa Ōpango takiwhitu, ko te pātai, ko wai ka tātaki ake i te haka inaeanei.

E ai ki ngā rongo kōrero ka riro mā te poutokomanawa a Aaron Smith o Ngāti Kahungunu pea te haka e taki. 

Hei tā Smith, “We just did our normal practice during the week.”

Ko Kieran Read anō e whakaarotia ana ka mutu i tenei tau ka tohua ia hei kāpene mo te tauwhainga Steinlager Series rua mano ngahuru mā ono. No te tau rua mano ngahuru mā rua i eke ia ki te tūranga kapene mō te wā tuatahi i te tukinga ki a Itaaria.

E ai ki a Read, “I have a pretty able assistant beside me (Aaron Smith) who goes good at the haka.”

No tenei wiki tonu i whakahuatia ake e Aaron Cruden ngā whakaritenga mō Read raua ko Smith ki te taki i te haka, heoi tomua tonu i te kemu ka whakatau ake kei a wai te mahi nui.

Ehara i te tauhou ka kore te kapene e taki i te haka, Ko Liam Messam, ko Piri Weepu ano hoki i taki i te haka. 

I te wā i a kapene Richie McCaw, he kotahi rau nga wa i noho ia hei kapene ka mutu i etahi wa ki riro ki a ia te mahi nei 

Ko Tana Umanga te tuatahi ki te taki i te kaha Kapa Ōpango i te tau rua mano mā rima ki te Tonga o Awherika. Ka tukuna te patai ki nga kaihaka nei, ko tēhea te haka e tika ana mō te takaro ki a Wēra, a he aha ai.  

Hei te pō nei ka marama ki te katoa ko wai i tohua. Kei a Read te mahi nui, kei a Smith rānei, heoi ahakoa ko wai, ka whai mana nui taua tangata ka mutu,ka eke tona mahi ki te taumata ikeike rawa.