Ngā kaupapa: Fitness, Health

Ko te whānau Te Whero kua uru ki RTB nā te mate Cystic Fibrosis te take

Tamati Tiananga
  • Te Tai Tokerau
  • Tāmaki Makaurau

He rōpū iti nō te whānau Te Whero i takahi i te ara o Round the Bays ki Tāmaki ki te kohi pūtea ki te utu i te maimoatanga mō Hayden Simmons kua pāngia ki te mate Cystic Fibrosis. He kaupapa whakamōhio tēnei me te tautoko i a CFNZ.

He hīkoi kia whakapiki ake te mātaitaitanga o te tangata ki te māuiui o Hayden.

I tōna whānautanga mai ka kitea te mate Cystic Fibrosis i a ia. Ahakoa tōna māuiui, mai rānō te tamatāne nei, he tekau mā ono tau te pakeke, e ūpoko pakaru ana.

I tērā tau i whakaae atu te tuahine o Hayden rāua ko tana hoa tāne ki a uru ki te huinga Round the Bays. E hia mano tāngata, kai-oma mai, hunga hīkoi hoki i uru.    

He nui kē atu nga rōpū i pīkau i tōna ake kaupapa whakahirahira.

Heoi ko Hayden i noho mātaamua ki tōna whānau, engari kāore ia i uru me te tūpono ka māuiui ia. I kohia te rima rau tāra, ko te hikoi he ahurewa mātauranga mō ngā tamariki anō hoki.   

Hei te marama o Here-turi-kōkā te wiki whakamārama i te mate Cystic Fibrosis.