Ko te whānau te pū o te ao a Tim Bateman

He whakatau uaua tenei engari ko tōna whanau te pū o tōna ao.

I tēra tau whakakitea ai tōna pākiatanga e te mate Multiple sclerosis ki tōna hoa rangatira a Laura, a hei ta Tim, na te iti o ngā rongoa ki Aotearoa mona, ko te hokinga atu ki Hapana te otinga.

Ka hoki atu a Tim me tōna whanau ki Nukuoka me tana karapu o mua a Coca Cola, i te tau rua mano tekau ma tahi, ka mutu kua tāmoko ake mō te rua ano ngā tau me te whakaaro tonu ka hoki mai ano ki Aotearoa a muri atu.

Kua tino eke a Tim i ngā tau kua hori whai muri i tana hokinga mai i Hapani, i uru atu ia ki te kapa Hurricanes i te tau rua mano tekau ma rua, a na kona i whakatangatatia whenuatia ia ki te rarangi poumuri o te kapa.

No te tau rua mano ma waru i whai wāhi tuatahi ai a Tim ki te kapa Māori engari ko te haerenga ki Amerika me Kanata i a ia te kapene o taua kapa, tāna i mahara nui ai.

Heoi, na tēnei whakatau, kahore e tāea e ia te whai wāhi atu ki te kapa Māori i tēnei tau. Ka mutu, he raukakai ki ngā whakatau matua katoa engari ko te oranga o tōna whānau te mea nui.