Kaupapa: Waka Ama

Ko te whakahoki mai i te metara koura te hiahia o Makayla Timoti

Mere McLean
  • Waikato/Te Waiariki

Ko te whakahoki mai i te metara koura te hiahia o Makayla Timoti, tekau ma toru tona pakeke i te wa ka haere ia ki nga IVF Worlds Waka Ama ki Tahiti hei te marama e tu mai nei.

Kei roto ia i nga whakaharatau na te mea e toru nga wahanga kei mua i a ia i te wa ka tae ki nga IVF World. Ko te whakaharatau te kai i te ao i te po mo Makayla Timoti, a, ka kore e mutu kia tu mai nga whakataetae o te ao. “Mo tenei tau, he tino uaua na te mea ko te wahanga whakaihu waka, kei te hoe hoki au mo tetahi atu karapu ki Tamaki Makaurau no reira ka haere au ki reira, me te whakaharatau takitahi ki konei”. Kua toru tau a Timoti e whakataetae ana. Hei ta Annalee Timoti tona mama I te tau tekau ma ono i hoe ia ki roto i te whakataetae o te ao mo te waka ama i reira riro ai i te metara hiriwa.

“Ko nga tanggata kei te taha i a ia he orite ki a ia kia noho tonu ki roto i tera hiahia, a, he hoa tata ratou ka mutu he hoa whakataetae hoki ratou ki runga i te wai”. Ki tona karapu waka ama a Hei Matau ki Rotorua he tauira a Timoti ki nga kaihoe kei te piki mai ki ta Kelly Korau tetahi o ona kaiako o mua. “Mo Makayla ehara i te mea ka whakapau ia i ona werawera ki runga i te wai anake engari ki roto i te whare whakapakari tinana, nga mahi whakapakari tinana he wahine tino maia ia a”. Ka tu te whakataetae IVF Waka Ama ki Tahiti hei te tekau ma ono ki te rua tekau ma ono o te marama o Hurae.