Ko te whainga a te kapa Tokena Pango kia eke rātou ki ngā whakataetae ā Ao

Rahia Timutimu
  • Tāmaki Makaurau

E anga ana te kapa Tokena Pango ki te wikitōria i te tauwhainga ISF Oceania Softball Qualifiers ka tū ki Te Raki Paewhenua ki ngā kapa o Hāmoa me Ahitereiria.

I tūtaki a Te Kāea ki ngā toa o te Ao ki te kite, e pēhea nei te kapa i mua i te tīmatanga o te whakataetae hei apōpō.

Whai muri i te kotahi tau e whakangungu ana, ka kitea te pukumahi o te kapa Black Sox, he iti noa i te rua tekau mā whā haora e toe ana ki te tauwhainga ISF Oceania Softball Qualifiers.

Ka tū te tauwhainga nei ki te whare hākina AWF, ki waenga i ngā tira o Ahitereiria me Hāmoa, he whakataetae rua rā te roa ka tīmata apōpō.

Ko te kapa Black Sox te kapa toa o te Ao, ā, e mahi ana kia tae anō ki te whakataetae ā Ao.

Ko te hoariri ko Ahitereiria, te kapa tuatoru o te Ao, me Hāmoa, kei te tūranga tuawhitu.

E rua noaiho ngā kapa ka eke ki ngā whakataetae ā Ao.

Ka tīmata te whakataetae apōpō, ko te tukinga tuatahi kei waenga i a Ahitereiria me Hāmoa.