Kaupapa: Boxing

Ko te whāinga o Parker he turaki i tana hoariri nō America a Williams

Tamati Tiananga
  • Tāmaki Makaurau

Kotahi tonu te whāinga o te mahere whawhai o Joseph Parker i te pō nei, he turaki i te hoariri a Sherman Williams.  Hei tā te toki Aotearoa o te taumata taumaha ka horotete i a ia te hoariri.

He tekau wāhanga, toru mēneti ki ia wāhanga te roa o te whawhai nei.

E pākaha ana ngā whakaaro o Parker ka kore te whawhai e roa, ka patua e ia a Williams kia hemo noa.

I puta ēnei kōrero āna i te hui ine, ko te toa ka riro ki a ia te taitara WBA PABA me te WBO Oriental.

Otirā mō Williams, kotahi anake te wā i ana whawhai rima tekau mā tahi nei i raru ai ia.