Ngā kaupapa: Rugby, Youth

Ko te whai tūnga ki roto te kapa whutuporo whanake Māori U18

Mere McLean
  • Waikato/Te Waiariki

Toru tekau mā waru ngā tama kei te whai i tētahi tūnga ki runga i te kapa whanake whutupōro Māori o Aotearoa mo te hunga kei raro iho i te tekau mā waru tau ki to rātou noho e tū ana ki Rotorua. Ka whakaingoa te kapa hei te Māhuru, ā, mo tētahi tokorua kua tata rātou ki to rātou moemoeā. He kaitākaro no ngā hau e wha, kua whakarauika mai mo te kaupapa kotahi. Ko tō Te Wanahi Rowe o Te Ātihaunui ā Pāparangi “he mahi nui tēnei, tino mīharo ahau, maha ngā mahi i mahi ahau me ōku whānau ki te tae mai ki tēnei wāhi, tēnei tīma rānei, ko te mea nui me tutuki pai ai ki tēnei kēmu kei te hara mai nei. Kua wehea nga tama ki nga roopu e rua, ā, hei tenei wiki ka tākaro rātou ki te kapa Chiefs mo ngā tama kei raro iho i te tekau mā waru tau. Koinei te tau tuarua ma Justice Hall, hei taana kua whai pukenga ia i tenei tūmomo wānanga. “He nui tonu ngā kaupapa kua ākonahia, ā, kei te tika te whāngai o ngā kai kia pai ai te oranga kia eke i te wā tika, he rawe ngā whakaharatau rawe ngā kaupapa i te taha o Matua Mikaere”. Ahakoa ngā kōrero mo tōna hanga iti ko te moemoeā o Te Wanahi Rowe he whai i ngā tapuwae o Aaron Smith. “I te wā i poto ana au, ka pūrei te wutupōro i te kainga, ā, atu i tērā ka uru ki roto i ngā tīma i te ta'a o ōku ‘oa”. Ka whakaingoa te kapa matua hei te Mahuru.