Kaupapa: Rugby League

Ko te Uepu NZRL ki te tāone iti o Waiuku ki te whakahaere i te kaupapa Community Playgroups

Rahia Timutimu

He tahi rau tamariki, nuku atu, i karapine atu nō te hapori o Waiuku, i whakarauika ki tā rātou karapū rīkī.

Hei tā te kaiwhakahaere a Marissa Holland, “E aruaru ana mātou i nga tamariki kaore anō ki a uru atu ki ngā momo wāhi tiaki tamariki. He kotahi rau neke atu e noho kainga ana kua tae mai ki enei momo huihuinga, he tutukitanga nui.”

Ko te whainga o ēnei hui ā hapori, he āwhina i ngā rōpu ā hapori, e āwhina ana i te hunga tamariki. Ko te pae tawhiti, kia whānui ake te tirohanga mo ngā rōpū rīki Māori, Moutere anō hoki.

Hei tā Marissa Holland anō, “E ai ki nga tatauranga ko rātou kei te taumata teitei mō te hunga tamariki, he nui nga aukati, kaore he waka kawe, he pūtea pea, ko ētahi whānau kaore i te hiahia tuku i o rātou tamariki.”

Arā anō te āwhina a te Tāhūhū o te Mātauranga, e āwhina hoki ki te kawe i tēnei kaupapa ki kamupene kē.

Ki Tāmaki Makaurau anake tohaina ai tēnei kaupapa, heoi e hiahia ana ngā kaiwhakahaere kia whātoro atu te kaupapa ki ngā rohe e ngākaunui ana ki te whutupōro rīki, pēra i a Kirikiriroa.