Ko te rā tuatahi mo te Whakataetae Waka Ama a ngā Kura Tuarua ki Rotorua

Mere McLean
  • Waikato/Te Waiariki

Ko te rā tuatahi tēnei mo te Whakataetae Waka Ama a ngā Kura Tuarua e tū ana ki Tikitapu, Rotorua i tēnei wiki.

He tohu pai atu i te timatanga o te whakataetae, ā, mo ngā kaiwhakarite ko te tirohanga whānui mo te Waka Ama he rawe.

E toru ngā wāhanga o te whakataetae, ko ngā tauhou, ngā rangatū me ngā tohunga. 

Hei tā Tipi Wehipeihana nō Ngāti Tukorehe me Ngāti Kuia.

“Koinei pea tētahi ara e wāia ai ngā whakaaro ki te ū, ki te kaupapa tika, hei whakatika, hei whakararata i a rātou i roto i ngā pōrarurarutanga o te wā”.

E ai ki Te Wharekura o Te Rau Aroha kua tae mai rātou kia rongo ai i te ahua o tēnei kaupapa.

“He tima hou ki te waka ama na reira kaore e tino mōhio ana te ahuatanga ae o te whakataetae”. Koinei ngā kōrero a Tumataura Tahatika.

Mo te kaikaunihera o Rotorua a Charles Stuart, koinei te wāhi tika, na te mea ka taea te tiaki i te mano tāngata.

Iwa tekau mā whitu ngā kura kei konei, ka mutu i tēnei wiki nuku atu i te kotahi mano, whā rau, rima tekau ngā kaihoe, ka hoe ki runga i a Tikitapu.

Hei tēnei Rāmere ngā whiringa toa.