Kaupapa: Basketball

Ko te NBA te whāinga nui mā te whetū maiangi, mā Tai Wynyard

Wikitōria Day
  • Tāmaki Makaurau

Kua haina kirimana te uri Māori nei a Tai Wynyard ki tētahi o ngā tino Whare Wānanga o Amerika, arā ki te Whare Wānanga o Kentucky.  Ki reira ia tākaro ai mā te kapa poitūkohu e kiia nei ko ngā Kentucky Wildcats. 

Ko ia te kaitākaro tuatahi kia whakaīngoatia ki te kapa mō te tau rua mano tekau mā ono.  I whai wā a Te Kāea ki te kōrero ki a rātau ko tōna whānau i te rangi nei.

Kātahi te hōnore nui kua tau ki ngā pokohiwi o Tai Wynyard.

He tekau mā ono noa iho ōna tau. Inā te nui o āna tutukitanga, heoi, ko tēnei tāna tino.

Ko Kentucky tētahi o ngā Whare Wānanga angitū rawa o Amerika, nō reira e rongo ana a Tai i te waimarie.

I tērā marama i rere atu ai ia ki Amerika ki te mātai ake i ngā Whare Wānanga o reira, ā, ahakoa i tonoa ia kia haere ki ētahi whare wānanga kē atu o reira, i rata ia ki a Kentucky.

Ko tōna whānau, tōna taituara, ā, he nui tō rātau whakahīhī ki tā rātau tamaiti.

Ka heke a tōtā i ngā marama kei te heke, kia rite ai ia mō te tau nui kei tōna aroaro.