Kaupapa: Netball

Ko te kapa Raruhe Hiriwa kei te pae mā tētahi kaipoitarawhiti nō Tūhoe

Taroi Black
  • Waikato/Te Waiariki
Monica Falkner - Photo / file

Tekau mā iwa noa iho ngā tau a Monica Falkner.  He īngoa nō Te Waiariki e whakapaetia ana ka eke ki te kapa Rarauhe Hiriwa hei tōna wā.  He kōtiro pakari, he kotiro māia, he kōtiro e rongo ana i ngā hautapu kei tōna tua, mā hea atu i te ngarohanga o tōna pāpā ki te mate pukupuku i tērā tau.

Koinei ngā wā o te pai mō Monica Falkner i a ia e whakapiri atu nei ki tōna tungāne, ki Pepe Ryan, i tētahi tauwhāinga pā whutupōro. 

I mate tōna pāpā a David Falkner i te marama o Here-turi-koka, whai muri i tōna pakanga ki te mate pukupuku mō te whitu tau.  He āhuatanga e whakakipakipa ana i te kaipoitarawhiti kia whakatīnana i ōna moemoeā kuru mō Aotearoa. 

I haere a Falkner ki ngā Kuki Airani me te Kapa U21, hei tāna he haerenga whakamīharo.

I pakeke mai a Monica i Matahi, Te Waimana, he hapori pakupaku i waho atu o Whakatāne.

Kāore e roa ka mutu ngā kaupapa ngahau whai muri i te karere ka whakaharatau atu ia me te kapa Waikato/ BOP Magic, i a rātou e whakarite nei mō te tau tuaiwa o te ANZ Championships. 

Heoi anō i tēnei wā he whakawhirinaki atu ki tōna whānau o Ngāti Rere hapū i mua i tōna tau nui e heke mai nei.