Kaupapa: Netball

Ko te kapa Pulse ka tuki ki te kapa Mystic i te rauna 13

Ruth Smith
  • Te Whanganui-ā-Tara

E ai ki te kaiako o te kapa Pulse, ahakoa ko rātau te kapa kaingākau o te whakataetae me whawhai tonu rātau kia hinga i a rātau te kapa Mystics.

Kua toka kē tō rātau whai wāhitanga ki ngā whiringa toa, ā e harikoa ana te kāpene, a Katrina Grant kāre he āwangawanga ki te āhua o ngā tatauranga.  Heoi anō, e kore hoki a ia e noho wawata noa.

E aro ana a Grant ki te rānaki i te mate nō te wā whakamutunga i tākaro tahi ai ēnei kapa e rua, me te aha, ko te upoko pakaru te karawhiu.

E rikarika ana kia tau ai rātau ki ngā whiringa toa, ā, hai tā McCausland-Durie kua whakapau kaha tana kapa ā moroki nei me te aha kāre he aha ki a rātau ko wai ka noho mai hai hoariri ki tana kapa.

Hai te Pōapa tukituki ai te kapa Pulse me te kapa Mystic ki te whare o TSB ki Pōneke.