Kaupapa: Rugby League

Ko te kapa Māori o NSW ki te Raki te toa i te wāhanga Rohe o te tauwhainga Rīki Māori

Tamati Tiananga
  • Tāmaki Makaurau

Ko te kapa Māori o New South Wales ki te Raki te toa i te wāhanga Rohe o te tauwhāinga Rīki Māori i tū i ngā rangi okioki i Tāmaki Makaurau.

I haukerekere rātou i te kapa o Tīhoi i te whiringa toa, he whā tekau mā waru ki te ono ngā tatau whakamutunga.

Kua whai kāinga hōu te tāonga Steve Watene i tenei tau ki Poihākena, Ahitereria.  I mate ururoa te kapa Māori o New South Wales ki te Raki kia wikitōria e waru piro ki te kotahi.

Nā tō rātou nanakia, tekau ngā kaitākaro i tohua ki te kapa Rīki Māori o te wāhanga Rohe.  

Ka mutu ko tō rātou kōingo matua, kia hoki mai anō a tērā tau.

E ai ki te kaiurungi o te kapa, ko tana manako nui mō te tau e tū mai nei, kia tū hoariri atu rātou ki tōna rohe tipu o Waikato.

Otirā mō te nuinga o ēnei kaitākaro, hei te rua wiki ka tīmata ngā mahi parawhakawai i a rātou kapa NRL, kua haina kirimana tākaro anō a Clark i te kapa Bulldogs.