Kaupapa: Health

Ko te hiahia a ētahi rangatahi o Aotearoa he pupuri i o rātou tūranga toa o te ao ki te whakataetae CrossFit

Aroha Treacher

Ko te whai a ētahi o ngā kaiwhakataetae rangatahi o CrossFit me pupuri tonu i o rātou tūranga i te rārangi toa o te ao ki te whakataetae Teen Gauntlet Gathering ki Ramona, California hei tērā tau.

Ki ēnei rangatahi ko te rauna tuatahi o te whakataetae Teen Gauntlet te mahi tuatahi e tae atu ai rātou ki Amerika.

I tū te Teen Gauntlet ki L.A i tēnei tau, i reira i angitū ai a Aidan Te Wake, he tekau mā whitu ōna tau, i te wāhanga Varisty, me ōna hoa tokorua nō Aotearoa anō hoki.

Ko Campbell Hall tērā, he tekau mā toru ōna tau, he rima tekau mā rima kirokaramu tōna taumaha, engari, ka tāea e ia te hiki i tōna ake taumaha, ki tua hoki. Nā whai anō kua tuarua mai ia i te ao i te wāhanga torekaihuruhuru.

E rua ngā kōwhiringa pēnei ka tū tonu, ko te tuatahi hei te tuawhitu o Hui Tanguru. Ki te hiahia ngā kaiwhakataetae te whiwhi tono kia ahu atu ki te Teen Gauntlet Gathering hei tērā tau, me whai waahi ki ngā rauna e toru katoa.