Ko te eke ki te taumata ikeike o te ao crossfit te whāinga o tētahi tamaiti nō Heretaunga

Aroha Treacher
  • Te Tai Rāwhiti

Ko te hākinakina Crossfit e tipu matomato ana, otirā, mō tētahi taitama, he tekau mā whitu ōna tau, he tauira i te kura tuarua mō ngā taitama ki Heretaunga, a Aidan Te Wake, kei ngā rārangi toa o te ao a ia e haere ana.

He tekau mā whā tōna tūranga i te rārangi toa o te ao i tēnei wā, hēoi, ko te tūranga tuatahi tōna ake whāinga matua.

Ko te whakaheke tōtā te utu mā Aidan Te Wake i a ia e ngana ana ki te eke panuku i te ao o Crossfit.

He kotahi rau rima tekau mā rua ngā piu pēnei i oti i aia i roto i ngā hēkona iwa tekau

I oti i a ia te taumata crossfit e tapa nei ko FRAN i te toru meneti, rima tekau mā iwa hēkona, mārakerake te kitea koira te take kua tuatoru ia i te rārangi toa o Australasia, kua tekau mā whā hoki ia i te rārangi toa o te ao mō tōna ake reanga.

He kotahi tau noa iho e toe ana mōna i te reanga Varsity, a ko te whai me whakarite aia i aia anō ki mua i tōna huritau tekau mā waru.

Akene pea e waia ana ia ki te eke ki nga tūranga tuatahi o nga whakataetae Crossfit, engari taihoa akuni koe i a au.